POEZI NGA DITARI I MËRGIMTARIT

Gëzim Ajgeraj

www.gezimajgeraj.blog.com
www.metaforapoetike.de.vu


IKJE DREJT HARRIMIT

Në përditshmërinë e udhëve tona
motet e mashtrimit

Zbardhen vitet me bardhësinë e alpeve
na i thirr harrimit

Ç'na dogjën ikjet
ç'zjarrmi

As atje as këtu
plot mall
etje bëhet kthimi
e hartat rendojnë si një thes mbi shpinë

Është e tmerrshme koha ikje
brishtësi e ëndrrave të mashtruara

E unë, kronikoj moteve të mashtrimit
me mallin që djeg në gji
për atdheun tim larg

21 maj 2006


NËN HIJEN E SHPRESËS

Shpresës së mbathëseve
ma zjarrin e mallit
nëpër gjeografinë e udhëve
dhe syrin e përlotur pendimeve
ëndrrat e presin kthimin

21 maj 20006


DERI TE DRITA

Udhët njëherë të marrin
kthimit nuk i dihet

udhëtojmë moteve pa arbitër

deri te dita
dita e shpresës së madhe
mbetur ka edhe shumë
mëngjesi po vononte

21 maj 2006


PIPAT E FJALËS

Pipojnë ato sythave të etjes
blerojnë lisat e vargjeve
dhembjet harbojnë vargut
stinëve pa arbitër

Bryma e ikjeve i zvetënon
pika loti lëngojnë vargut
vapës së mallit

Me pesticidin e etjes i spërkas
për mbrojtje nga moti i lig i udhëve
prapë stinëve të mallit zbresin

Pipojnë ato truallit të dhembjes
lëshojnë gjethe fjalës
e bëhen varg

dhjetor, 2003