Gëzim Ajgeraj - LUMA

www.metaforapoetike.de.vu

Gëzim AJGERAJ

Luma

1.

Të kuçe ma^ke këmishën
nëpër histori

kështjellë qëndrese
nëpër furtuna
shkëmbë ku thyen
kokat e barbarëve
që përpiçen
të na e hudhin
farën e harrimit

muranë e atdheut
nën shkabën e Ismail Qemailit

te kulla e lumës
skuçen damarët e drinit
barbarit i paguhet fajsia









2.

me shkrepat kryelartë
ku përgjaken motet e tërbuara
të stinëve pa arbiter

fusha plotë lulkuçe
kurorë të atdheut
lumë e bukura e dheut

malli imë mbi pikllimë
dyzet vjetë
mollë e ndalueme


3.

në ty lindin zanat
që rritën sokola

për ti bërë pritë furtunave
rrebesheve të historisë

besnik amanetit të t`parëve
legjendave të lavdisë
për ditë të bardha
flamur mbi shtizë

fole e trimave





4.
fole e përjetshme
e zjarrit të lirisë
në atdheun e ndarë përgjysmë

flamur përtej gurit që na ndanë

më rri krenarë në shtizë

urë e pa këputshme
edhe atëherë kur
vrullshmëm vërshon veriu

e bjeshka çahet përgjysmë

lumë motra ime e pa ndashme
s`na ndajnë as në përjetësi

5.
motra ime prej gjaku
damarëve të fisit

strehë e ditëve të kuçe
për motrat e vëllezërit
plagët e Kosovës

përkrahë vëllzërve përjetë
barot për grykat
e ushtarëve të lirisë

bukë kripë e zemër
për motrën

shami e lotit të nënave,motrave
në egzodin biblik

6.

mirë se vjen më vargë
të kamë në gjakun e pendës
rreshtave të historisë

dhe nëse të kam hyrë në hak
të më falësh
trupin na e patën ndarë
përgjysmë

ti matanë krenare
unë këndej përpëlitjeve
urat e historisë
na i patën lidhë
në zingjirë

na ndanë në vargë
e në rritë
luma ime fortesë e
trimërisë.

Vërrmicë, tetorë,1999.

www.metaforapoetike.de.vu