Gëzim Ajgeraj - Poem

LETER MIKUT

(Mikut tim: Ilam Berisha-poet)

Mik i dashur
Të gjata janë udhët tona
sa gjeografitë e botës

Lot është bërë malli
Kënga vai

1.
Hej mik! - kam njëzet pranvera që bredhë
me strajcën mbi shpinë e mallin në gji

Sheshe e qytete jan tonat
përditë e më bukur i zbukurojmë ato
evropës ia qëndisim fustanin
që më e bukur të duket

vaj halli për ne

dyerve të huaja rrjedhin motet
i huaj këtu e atje
përherë në rendin e dytë
nën mallkimin e harrimit

Udhë të evropës
i qëndisim ëndrrat
për kthimin që spo vie

3.
E mban mend ikjen?
Qielli u nxi mbi kulla ra shi

Atdheut praroheshin pranga për idealin tonë
e neve na dhimbte shpirti për fjalën e lirë
kujt të ia shpalosnim dëshirat
ti hapnim zemrat

gjokset i kishim bërë murana
për diellin e Kosovës

me vdekjen piqeshim përtidë

ec e duro lëkurën e robit

4.
Motet e kuqe mbi Vërri
rrodhën pa ne
hapën plagë të reja

Edhe pse s'isha në ditet e dhimbjes
Atdheut kurrë si mungova

Sa mirë që erdhi dita
e idealit tonë, mik!.

6.
Tani kur Vërrini i shëron plagët
e netëve të ndrrimit të epokave

vargu për atdheun është bërë forcë
lirikat këngë e dhimbjes krenare
për ardhjet e bardha
të mbytura në blu

E ne ia numrojmë plagët faqeve në libra

7.
Mik i dashur
neve na dogjën ikjet udhët
gjithqka është bërë mallë
në këte kapërcim

largësitë kan hyrë në mes
e na flasin me gjuhën e harrimit
gjaku i Arbërit po shprishet

Ah mik, - anija e fjalës shqipe po mbytet
në detin e fjalëve të huaja

9.
Vargun e mbyti shiu
nën këtë qiell pa ombrellë

gjaku i shprishur është bëre plagë
nëpër gjeografit e ikjeve
gjihqka kundërmon harrim

vetëm ti ia njeh plagen
klithmën e vargut tim

10
mik i dashur
merrmja një këngë bjeshkëve
me jehonën e shqiponjave
shterr dhe notën e fundit të fjalës
me peshën e gurit

këndo bukur me gjuhën e Naimit
që të marrë forcë fjala
që të rriten lisat
që të mbushëllojne kullat
plotë shpresë për ardhjet e bardha

11.
jam mbushë mik
fjala më është bërë klithmë e dhimbjes
vargjet jan mbytur në detin e lotëve

se më ka etje gurrat mali e fusha
kulla, nëna me shamin e qullur tek votra
atdheu

vetëm *metafora më mbanë
në këtë mërgim
ushqim i përditshmërisë sime

12.
Mik i dashur! - Të fala....
... atdheut.

2006, Zvicër


*Metafora, - është revista letrare të cilen e editon poeti, në çdo tre muaj në Zvicër dhe Prizren.