Poezi 2008

Gëzim Ajgeraj

POEZI

BAC, U KRY

(Adem Jasharit)

Plisi shkëlqeu
kur i lëshoi rrezet dielli
mbi ballin e Dardanisë

Natës shekullore
iu thyen perdet e errësirës
përpara diellit

Qytete e sheshe
e kënduan këngën e fitores

***

U desh të jepnim gjak
nga damarët tonë
që të ushqehej drita

me zjarr e hekur
i thyem prangat e robërisë

nën flamurin tënd
me ty në ballë
mbushëlluam mallet

me dhimbjen
prekëm majat e qiellit
deri sa diellit
ia këputëm rrezen

***

Mbi ballin e shkëlqimit tënd
gjeti prehë liria

Bac, u kry
(në ditën e pavarësisë)
thirri rinia…

17 shkurt 2008



QASTE ROMANTIKE

Nëpër kolorite dritash
në dhomën e errësuar
miklojnë shkëndijat e pasioneve
të dashurisë

Drita e qirinjëve
shkrihet trëndafilave të kuq
fletzave të derdhura
mbi shtratin tend

Ti në mes
dhe shkëlqimi ytë
plotë aromë

pasionet e ndezura
shkrihen mes buzëve
që miklojnë ploitë ëmbëlsi
ekstazës së dashurisë,

2006. Lichtenshtajn


MBIJETESA E JONË

Na i shtrydhën
Dhe damarët e gjakut
Të na shterroj fara

Me furtunë karpatesh
Na i frynë harrimit

Që filizat e përtëritjes
Të mos na gjethojnë

Na e vranë dhe dritën e diellit
Me terrin e mesjetës
Që të na e shuajnë rritën

Me kokat tona
E ngritën kalanë e lavdisë
Së rrejshme
Deri në Kalamegdan

Me shpata
Me zjarrë
Me hekur
Ruajtën natën tonë shekullore
*
U ngritëm
Nga rrënjë e mbijetesës
Ringjalljes tonë

Kushtrimin e nënlokes
E nxorrëm nga gjiri i dheut
E e bëmë jehonë malesh

Me gjokset e lisave të atdheut
I bëmë ballë furtunës

Kullat, bjeshkët kënduan këngën
E ardhjeve të bardha

Mbi plis shkëlqeu
Dielli i lirisë

17 shkurt 2008

NDRYDHJA E FJALËS

Të ruajtëm në strofullën
E këngëve të pa kënduara

Të ndrydhëm me shpresën e dritës
Për ardhjet e bardha

Ushqyer të kemi me ëndrrat
Deri në agun e mëngjesit

Ti digjesh e heshtur
Pushit të etjes sonë
*
Tani që fluturon e lirë
Flatro bukur
Qiellit të lirisë.

21 shkurt 2008

AMANETI I GJYSHIT

(Ditën kur Kosova të bëhet shtet,
lajmin të ma sjellë mbi varrin tim)

Amaneti e ka peshën e gurit
Besa e dhënë betim në flamur e atdhe
Gjysh e nip breza të një ideali

*

Shekulli u përgjak robërisë
Luftërave për çlirim
Brezave dorë në dorë
Flamurin e atdheut

Liria fitohet me pushkë
Askush s'ta e falë
Nipi imë...

*

Amanetin do ta qoj në vend
Gjysh

*

Dhe...
Thirrja e nënëlokes
Na mblodhi pranë idealit
të lavdisë

Hapëm edhe gjokset
E i dhamë gjak atdheut
Nga damarët tonë

Fusha e male gjëmuan

Me zjarr e hekur
Ruajtëm amanetin e kullave
Për ditën e bardhë

Mbi Kosovë
E sollëm lirinë, gjysh

Tani...
Prehu i qetë
Pranë amanetit të nipit...

Kosovën e bëmë shtet
Gjysh

Malësi e Vërrinit, shkurt 2008